༸པཎ་ཆེན་སྐུ་ཕྲེང་བཅུ་བའི་མ་ཡུམ་བསོད་ནམས་སྒྲོལ་མ་མཆོག་དེ་རིང་ཞོགས་པར་རྒྱ་ནག་གི་རྒྱལ་ས་པེ་ཅིན་དུ་སྐུ་གཤེཊ་འདུགདེ་རིང་ཕྱི་ཚེས་ ༢༩ ཉིན་གྱི་ཞོགས་པའི་ཆུ་ཚོད་ ༨ པ་ཡས་མས་སུ་ ༸ཀུན་གཟིགས་པཎ་ཆེན་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་འགྲུབ་ཆོས་ཀྱི་རྒྱལ་མཚན་མཆོག་གི་མ་ཡུམ་བསོད་ནམས་སྒྲོལ་མ་མཆོག
རྒྱ་ནག་གི་རྒྱལ་ས་པེ་ཅིན་དུ་སྐུ་གཤེགས་ཡོད་པ་དང་། ད་ལོ་དགུང་ལོ་ ༩༧ ཡིན་འདུག
དེ་རིང་ཞོགས་པར་གནས་ཚུལ་བྱུང་རྗེས་ཁོང་གི་སྐུ་ཕུང་པེ་ཅིན་ནས་ཟི་ལིང་དུ་གདན་འདྲེན་ཞུས་ཡོད་འདུག་ལ། གནས་ཚུལ་གོ་འཕྲལ་ཁོང་གི་འཁྲུངས་ཡུལ་མཚོ་སྔོན་མཚོ་ཤར་ས་ཁུལ་ཡ་རྫི་རྫོང་བིས་མདོ་ཞང་མ་རུ་སྡེ་བ་དང་བིས་མདོ་དགོན་ཆེན། དེ་བཞིན། རྡོ་སྦིས་དང་བསེ་ཆང་། ཀ་རིང་། རྐང་ཚ་བཅས་ཞང་བཞིའི་དགོན་གྲོང་གཉིས་ཀྱིས་བསྔོ་སྨོན་མཆོད་འབུལ་གནང་བཞིན་ཡོད་འདུག
མ་ཡུམ་བསོད་ནམས་སྒྲོལ་མ་མཆོག་གིས། ད་ལྟའི་བར་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་བོད་རང་སྐྱོང་ལྗོངས་ཀྱི་འགན་འཛིན་གཞོན་པ་བཅས་ཀྱི་འགན་བཞེས་ཡོད་པ་མ་ཟད། ༸པཎ་ཆེན་སྐུ་ཕྲེང་བཅུ་བ་མཆོག་དང་ཁོང་གི་ཡབ་མགོན་པོ་ཚེ་བརྟན་རྣམ་གཉིས་དགོངས་པ་ཆོས་དབྱིངས་སུ་འཐིམས་རྗེས། ༸པཎ་ཆེན་སྐུ་ཕྲེང་བཅུ་བ་མཆོག་གིས་ཐུགས་རྗེ་བཀའ་དྲིན་ལ་རྟེན་ནས་བོད་ལྗོངས་དང་མཚོ་སྔོན། ཟི་ཁྲོན། ཀན་སུའུ། ཡུན་ནན་བཅས་སུ་གསར་འཛུགས་གནང་ཡོད་པའི་སློབ་གྲྭ་ཁག་དང་། དགོན་སྡེ་ཁག དེ་བཞིན། ཁོང་གི་འཁྲུངས་ཡུལ་ (ཡ་རྫི་) རྫོང་ཞོན་ཧྭ་བོད་ཡིག་སློབ་འབྲིང་དང་བིས་མདོ་དགོན་ཆེན་བཅས་ཀྱི་འཛུགས་སྐྲུན་དང་། ས་གནས་མང་ཚོགས་ཀྱི་བདེ་སྡུག་སོགས་ཕྱོགས་ཡོངས་ལ་ཐུགས་ཁུར་ཟབ་བཞེས་གནང་ཡོད་འདུག
གསར་འགོད་པ། དོན་གོ
དུས་བབ་དྲ་བ།