ཨ་མཆོག་ཏུ་ཡང་བསྐྱར་རང་ལུས་མེར་བསྲེཊ།

དེ་རིང་གཟའ་མིག་དམར་ཉིན་གྱི་སྔ་དྲོ་བོད་མདོ་སྨད་བླ་བྲང་བསང་ཆུ་རྫོང་ཨ་མཆོག་ཚོ་བའི་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

ཨ་འཇམ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། དེ་རིང་ཕྱི་ཚེས་༢༠ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༨།༣༠ ཡས་མས་སུ་བོད་མདོ་སྨད་བླ་བྲང་བསང་ཆུ་རྫོང་ཨ་མཆོག་ཚོ་བ་བརྒྱད་ཀྱི་ནང་གསེས་ཁྱི་ངན་སྡེ་བའི་རང་ལོ་

༣༤ ཡིན་པའི་རྒྱལ་གཅེས་དཔའ་བོ་ཚེ་རིང་དོན་གྲུབ་ལགས་ཀྱིས། ཨ་མཆོག་རྒྱ་གར་ཐང་གི་གཏེར་ཁ་སྔོག་སའི་སྒོ་འགྲམ་དུ་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག

དཔའ་བོ་ཁོང་གི་ཕའི་མིང་ལ་ཀླུ་འབུམ་རྒྱལ་དང་མ་མིང་ལ་འབྲུག་མོ་མཚོ་ཞུ་བ་དང་། ཁོང་གི་སྤུན་མཆེད་ཀྱི་མིང་ལ་བཀྲ་ཤིས་རྒྱ་མཚོ་དང་སྒྲོལ་མ་སྐྱིད་འབོད་ཀྱི་ཡོད་པ་དང་།  བཟའ་ཟླའི་མིང་ལ་རྟ་མགྲིན་འཚོ་ཟེར་ཞིང་བྱིས་པ་གཉིས་ཡོད་པའི་གཅིག་གི་མིང་ལ་ལྷ་གོ་འབོད་ཀྱི་ཡོད་འདུག 

དཔའ་བོ་ཁོང་ནི་མི་གཤིས་ཧ་ཅང་བཟང་བས་དུས་རྒྱུན་དུ་འཛུམ་ཤིག་ཤིག་ཏུ་སྡོད་པ་ཞིག་ཡིན་པས། སྡེ་མི་ཀུན་ཀྱང་ཧ་ཅང་དགའ་སའི་མི་སྣ་ཞིག་ཡིན་ལ། དུས་རྒྱུན་དུ་བོད་མི་རིགས་ཀྱི་བདེ་སྡུག་ལ་དོ་སྣང་ཆེ་ཞིང་བོད་དོན་སྐོར་གླེང་སྐབས་ཚོར་ཤུགས་རྣོ་ལ་སེམས་ཁུར་ཆེས་ཆེར་ཡོད་མཁན་ཞིག་ཡིན་ཚུལ་འདུག

ད་ལྟ་ཨ་མཆོག་དགོན་པའི་གྲྭ་བ་ཚོས་སྨོན་ལམ་གསུང་བཞིན་པ་དང་མི་མང་ཡང་མང་པོ་འབྱོར་བཞིན་ཡོད་འདུག་ལ།  ཉེ་ཆར་སྤྱི་ཟླ  ༡༠ ཚེས ༢༦ ཉིན་རྒྱལ་གཅེས་དཔའ་བོ་ལྷ་མོ་ཚེ་བརྟན་ལཊ་ཀྱིས་ས་གནས་དེར་མེ་རྒོལ་གནང་ཡོད་སྟབས། ས་གནས་སུ་དམག་མི་དང་ཉེན་རྟོག་པ་མང་པོ་བཏང་ཡོད་འདུག་ཀྱང་། ད་ཆར་དམིགས་བསལ་དམ་དྲག་བྱེད་པའི་གནས་ཚུལ་གང་ཡང་བྱུང་མི་འདུག

 

གསར་འགོད་པ། དོན་གོ

དུས་བབ་དྲ་བ་ནས།