རྒྱ་གར་གྲོས་ཚོཊ་ནང་བོད་དོན་གླེང་།

ཁ་སང་རྒྱ་གར་གྲོས་ཚོཊ་འོག་མའི་ནང་རྒྱ་གར་ཕྱི་སྲིད་བློན་ཆེན་ཟུར་པའམ། ད་ལྟའི་བྷཱ་ར་ཏཱ་ཇན་ཏ་ཚོཊ་པའི་མགོ་ཁྲིད་ཡཱ་ཤི་ཝན་སིན་ཧཱ་ཡིས། རྒྱ་གར་གྲོས་ཚོཊ་འཐུས་མིས་བོད་དོན་ཐོག་རྒྱབ་སྐྱོར་དགོས་པའི་རེ་འདུན་བཏོན་འདུག

ཁ་སང་ཕྱི་ཚེས་ ༡༠ ཉིན་ཏེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་དང་སྟབས་བསྟུན། རྒྱ་གར་ཕྱི་སྲིད་དང་དཔལ་འབྱོར་བློན་ཆེན་ཟུར་པའམ། ད་ལྟའི་བྷཱ་ར་ཏཱ་ཇན་ཏ་ཚོཊ་པའི་མགོ་ཁྲིད་སྐུ་ཞབས་ཡཱ་ཤི་ཝན་སིན་ཧཱ་ (yashwant sinha) ལཊ་ཀྱིས། རྒྱ་གར་གྲོས་ཚོཊ་འོག་མའི་ནང་རྒྱ་ནག་གཞུང་གིས་བོད་ནང་གི་བོད་མིའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་དུ་གཏོང་བཞིན་པའི་སྐྱོན་བརྗོད་ཤུཊ་ཆེར་བྱས་ཡོད་འདུག

གྲོས་ཚོཊ་ནང་སྐུ་ཞབས་ཡཱ་ཤི་ཝན་སིན་ཧཱ་ལཊ་ཀྱིས་འདས་པའི་མི་ལོ་ ༦༠ ལྷག་གི་རིང་རྒྱ་གཞུང་གིས་བོད་ནང་བོད་མིའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་དུ་བཏང་ཡོད་པར་མ་ཟད། ལྷག་པར་དུ་དེང་སྐབས་རྒྱ་གཞུང་གིས་བོད་ནང་དྲག་ཆས་དམག་མི་འབོར་ཆེན་འགྲེམས་འཇོག་གིས་བོད་མིའི་ཆོས་དད་རང་དབང་ལ་དམ་དྲག་དང་། བོད་མི་གང་བྱུང་འཛིན་བཟུང་དང་བཀག་ཉར། བོད་མི་གར་སོང་ཆ་མེད་གྱུར་བ། བོད་ཀྱི་འབྲོག་པ་རྣམས་བཙན་དབང་གིས་གནས་སྤོར་བྱེད་བཅུག་པ། དེ་བཞིན་བོད་ཀྱི་ཁོར་ཡུག་ཉམས་ཆག་ཏུ་གཏོང་བའི་སྲིད་བྱུས་ཁག་རིམ་པར་ལག་བསྟར་བྱས་སྟབས། བོད་ནང་གི་བོད་མི་ཚོས་རྒྱ་གཞུང་གིས་བྱེད་སྟངས་དེར་བཟོད་སྒོམ་ཐུབ་ཐབས་བྲལ་ཏེ། འུ་ཐུག་ཐབས་ཟད་ཀྱིས་རང་ལུས་མེར་བསྲེཊ་བཏང་སྟེ་རྒྱ་ནག་གཞུང་ལ་ཞི་རྒོལ་བྱེད་ཀྱིན་ཡོད་ཀྱང་། རྒྱ་གཞུང་གིས་བོད་མིའི་དཀའ་ངལ་རྣམས་སེལ་རྒྱུའི་ཚབ་ཏུ་བོད་མིའི་ཐོག་སྔར་ལས་དམ་དྲག་ཆེན་པོ་བྱེད་ཀྱི་ཡོད་སྐོར་དང་། རྒྱ་གར་གྲོས་ཚོཊ་འོག་མའི་ངོས་ནས་བོད་མིའི་དཀའ་ངལ་ལ་གདུང་སེམས་མཉམ་སྐྱེད་ཀྱིས་རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་བྱུས་ལ་ངེས་པར་སྐྱོན་བརྗོད་བྱ་དགོས་རྒྱུ་དང་། རྒྱ་གཞུང་གིས་བོད་མིའི་དངོས་ཡོད་དཀའ་ངལ་ངོས་ལེན་བྱས་ཏེ་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་སྤྲོད་རྒྱུར་ནན་སྐུལ་བྱ་དགོས་པའི་དགོངས་ཚུལ་བཏོན་ཡོད་འདུག

གསར་འགོད་པ། དཔལ་ལྡན། 

དུས་བབ་དྲ་བ་ནས།