དཀོན་མཆོག་སྐྱབས་ལཊ་སྐུ་གྲོངས་འདུག

ཉེ་ཆར་བོད་མདོ་སྨད་རྔ་པར་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཀོན་མཆོག་སྐྱབས་ལཊ། རྔ་པ་ཁུལ་གྱི་ལྟེ་གནས་འབར་ཁམས་སུ་སྐུ་གྲོངས་འདུག

བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་གནས་ཚུལ་བཏང་འབྱོར་ལྟར་ན། ཕྱི་ཟླ་ ༡༡ པའི་ཚེས་ ༣༠ ཉིན་བོད་མདོ་སྨད་རྔ་པ་ཁུལ་མཛོད་དགེ་རྫོང་ཨ་སྐྱིད་ཞང་གཟའ་རུ་སྟོད་མའི་རུ་སར་ཁ་བའི་ཕུན་ཚོཊ་ཚང་གི་རང་ལོ་ ༢༩ ཡིན་པའི་བུ་དཀོན་མཆོག་སྐྱབས་ལཊ་ཀྱིས། བཞག་ལྡོམ་ཞང་ནས་སྤྱི་ལེ་བཅུ་ལྷག་གི་སར་
ཡོད་པའི་སྣུམ་ལྡུག་སའི་སྒོ་འགྲམ་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་རྗེས། རྒྱ་གཞུང་ཉེན་རྟོག་པས་དེ་མ་ཐག་འབར་ཁམས་སུ་ཁྱེར་ཏེ་ཞིབ་ཕྲའི་གནས་ཚུལ་ཤེས་མེད་ཀྱང་། ཟླ་འདིའི་ཕྱི་ཚེས་ ༡ ཉིན་གྱི་དགོང་མོ་རྒྱལ་གཅེས་པ་ཁོང་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་སུ་འདས་གྲོངས་སུ་གྱུར་ཡོད་པ་མ་ཟད། རྒྱ་གཞུང་གིས་ཁོང་གི་རུས་ཐལ་ཞིག་ནང་མིར་སྤྲད་ཡོད་པའི་གནས་ཚུལ་ཐོན་འདུག

ཉེ་བའི་དུས་ནས་བཟུང་མཛོད་དགེ་ཕྱོགས་གཙོ་བོར་གྱུར་པའི་བོད་མི་སྐྱ་སེར་དང་རྒན་གཞོན་མང་པོ་རྒྱལ་གཅེས་དཔའ་བོ་དཀོན་མཆོག་སྐྱབས་ཀྱི་ནང་མིར་གདུང་སེམས་མཉམ་སྐྱེད་དང་མྱ་ངན་འཚམས་འདྲི་ཆེད་ཕེབས་ཀྱི་ཡོད་འདུག རྒྱལ་གཅེས་དཔའ་བོ་དཀོན་མཆོག་སྐྱབས་ལགས་ཀྱི་ཕ་མིང་ལ་ཕུན་ཚོགས་དང་། མ་མིང་ལ་བློ་བཟང་སྒྲོལ་མ་འབོད་ཀྱི་ཡོད་པ་དང་། ཁོང་ལ་སྤུན་གཅིག་དང་སྲིང་མོ་གཉིས་ཡོད་འདུག ཁོང་གི་བཟའ་ཟླའི་མིང་ལ་པདྨ་སྐྱིད་ཡོད་ཅིང་། ད་ལྟ་རང་ལོ་ ༢༦ ཡིན་འདུག  ཁོང་བཟའ་ཟླ་གཉིས་ལ་རང་ལོ་ ༩  ཡིན་བྱིས་པ་གཅིག་དང་རང་ལོ་ ༦ ཡིན་བྱིས་པ་གཅིག་བཅས་ཡོད་འདུག

རྒྱལ་གཅེས་དཔའ་བོད་དཀོན་མཆོག་སྐྱབས་ལགས།

རྒྱལ་གཅེས་དཔའ་བོ་དཀོན་མཆོག་སྐྱབས་ལགས་ཀྱི་བྱིས་པ་གཉིས།

ས་གནས་དགེ་འདུན་པ་ཚོས་བསྔོ་སྨོན་གནང་བཞིན་པ།

གསར་འགོད་པ། དོན་གོ 

དུས་བབ་དྲ་བ་ནས།