བོད་ཟླ་བཅུ་པའི་ཚེས་ཉེར་ལྔ་ཉིན་ནི། རྗེ་ཙོང་ཁ་པ་ཆེན་པོ་བློ་བཟང་གྲགས་པའི་དགོངས་རྫོགས་ཀྱི་དུས་ཚོད་ཉིན་མོ་ཞིག་རེད་ལ་སྐུ་ལྟམས་པའི་ཉིན་མོ་ཞིག་ཡིན། དེ་ཡང་ས་ཕག་སྤྱི་ལོ་༡༤༡༩ལོར་རྗེ་ཙོང་ཁ་པ་ཆེན་པོས་སྟོད་ལུང་དང་སེ་འབྲས་སོགས་སུ་ཕེབས་ནས་ཆོས་མང་དུ་གསུངས།མཐར་དགའ་ལྡན་དུ་ཕྱིར་ཕེབས་ཐོག་ཐུབ་དབང་ཚུལ་ཁྲིམས་མའི་སྐུ་མདུན་དུ་
མཆོད་འབུལ་དང་། བསྔོ་སྨོན་རྒྱ་ཆེ་མཛད་རྗེས་སྐུ་བེར་དང་། དབུ་ཞྭ་སྲས་ཀྱི་ཐུ་བོ་དར་མ་རིན་ཆེན་ལ་གནང་སྟེ་རྒྱལ་ཚབ་ཏུ་བསྐོ་བཞག་མཛད་ནས་བོད་ས་ཕག་༡༤༡༩ཟླ་བཅུ་པའི་ཚེས་ཉེར་ལྔ་ཉིན་གཟིམ་ཁང་འོད་གསལ་སྦུག་ཏུ་གཤེགས།
སྤྱི་ལོ་༡༤༢༠ལོའི་ཟླ་བཅུ་པའི་ཚེས་ཉེར་ལྔ་ཉིན་དགའ་ལྡན་དུ་རྗེ་རིན་པོ་ཆེའི་དགོངས་རྫོགས་རྒྱ་ཆེ་སྨིན་སྒྲུབ་མཛད་པ་དེ་ནས་བཟུང་དགའ་ལྡན་ལྔ་མཆོད་ཞེས་བོད་ཆོལ་གསུམ་ཀྱི་དད་ལྡན་སེར་སྐྱ་ཚང་མས་དགོངས་རྫོགས་མཆོད་འབུལ་རྒྱ་ཆེ་གཟབ་རྒྱས་གཤམས་ཏེ་རྣམ་དཀར་དགེ་ལས་ལ་བརྩོན་ཞིང་།མར་དང་སྣུམ།དཀར་ཞུན་བཅས་ཀྱི་མར་མེའི་ཕྲེང་བ་སྐར་ཚོགས་ས་ལ་འཕོས་པ་ལྟ་བུར་རྩེ་ཕོ་བྲང་དང་། གཙུག་ལག་ཁང་། སེ་འབྲས་དགའ་གསུམ། རྒྱུད་གྲྭ་སྟོད་སྨད་སོགས་ལྷ་ཞོལ་དགོན་ཁག་དང་། ཁྱིམ་མི་ཡོངས་ནས་རང་ཉིད་ཀྱི་འཁོས་འབྱོར་ལ་གཞིགས་ཏེ་མཆོད་སྤྲིན་རྒྱ་གང་ཆེ་བྱེད་པ་དང་། རྒན་བྱིས་ཚང་མས་དམིགས་བརྩེ་མ་འདོན་པ།