ཤིན་ཧྭ་གསར་འགྱུར་ཁང་གིས་གནས་ཚུལ་བསྒྲགས་པ་ལྟར་ན། ཉེ་ལམ་སི་ཁྲོན་ཉེན་རྟོག་པས་ཏཱ་ལའི་རུ་ཚོགས་ཀྱིས་ངན་ཇུས་དང་བཙན་སྐུལ་བཀོལ་ནས་བོད་མི་རང་སྲེག་བྱེད་པའི་དོན་རྐྱེན་སློང་མཁན་གཙོ་བོ་བློ་བཟང་དཀོན་མཆོག་དང་བློ་བཟང་ཚེ་རིང་གཉིས་འཛིན་བཟུང་བྱས་ཤིང་། བློ་བཟང་དཀོན་མཆོག་གིས་ཉེས་དམིགས་ངེས་ལེན་དང་འཚོལ་
བཤེར་ར་སྤྲོད་བྱས་པ་ལས། ༢༠༠༩ལོའི་ཚུན་ལ། ཏཱ་ལའི་རུ་ཚོགས་ཀྱི་བཀའ་དང་ལེན་བྱས་རྗེས། སྔ་གཞུག་ཏུ་བོད་མི་༨ལ་ངན་སྐུལ་བྱས་ནས་དོན་མེད་དུ་རང་སྲེག་བྱེད་དུ་བཅུག་པ་དང་། དེའི་ནང་ནས་མི་གསུམ་ཚེ་ལས་འདས།
ད་ལོའི་ཟླ༨པར་སི་ཁྲོན་ཞིང་ཆེན་རྔ་བ་རྫོང་ནས་རང་སྲེག་དོན་རྐྱེན་དུ་མ་བྱུང་ཞིང་། དེར་སི་ཁྲོན་སྤྱི་བདེ་ཐིང་གིས་འཕྲལ་མར་ཉེན་རྟོག་པ་འགའ་འདེམས་ནས་མྱུལ་ཞིབ་བྱེད་དུ་བཅུག། ཟླ༨པའི་ཚེས༡༣ཉིན་ནས་ཚེས༡༥ཉིན་གཉིས་ལ་སྔ་གཞུག་ཏུ་ཉེས་ཅན་གཙོ་བོ་བློ་བཟང་དཀོན་མཆོག་དང་། བློ་བཟང་ཚེ་རིང་གཉིས་འཛིན་བཟུང་བྱས། བློ་བཟང་དཀོན་མཆོག་ནི་ད་ལོ་ལོ་༤༠ཡིན་པ་དང་། སི་ཁྲོན་ཞིང་ཆེན་རྔ་བ་རྫོང་ཀརྟི་དགོན་གྱི་གྲྭ་བ་ཡིན། བློ་བཟང་ཚེ་རིང་ནི་ད་ལོ་ལོ་༣༡ཡིན། སི་ཁྲོན་ཞིང་ཆེན་རྔ་བ་རྫོང་གི་འབྲོག་པ་ཡིན།
དོན་དངོས་རྩད་ཞིབ་བྱས་པ་ལས། ༢༠༠༩ལོའི་ཟླ༢པར་རྔ་བ་རྫོང་ཀརྟི་དགོན་གྱི་གྲྭ་བ་བཀྲ་བྷེ་རང་སྲེག་བྱས་རྗེས། བློ་བཟང་དཀོན་མཆོག་གིས་ཏཱ་ལའི་རུ་ཚོགས་ཀྱི་བོད་རང་བཙན་ཚོགས་པའི་གསར་འགྱུར་འབྲེལ་གཏུག་ཚོགས་ཆུང་གི་ཚོགས་མི་བསམ་གཏན་ལ་སོགས་ཀྱི་བཀའ་དང་ལེན་བྱས་ཏེ། རང་སྲེག་བྱེད་མཁན་དག་གི་གནས་ཚུལ་བསྡུ་ལེན་གྱིས་ཕྱི་རུ་བསྐུར་བ་རེད། དེ་མི་ཚད་རང་སྲེག་ནི་ཆོས་ལུགས་དང་རྒྱབ་འགལ་དུ་མི་འགྲོ་བར་དཔའ་བོའི་དན་རྟགས་ཡིན་པ་སོགས་ཀྱི་འཆལ་གཏམ་བསྒྲགས་ཏེ། རྒྱལ་ཕྱི་ནས་རང་སྲེག་བྱེད་མཁན་དྲིལ་སྒྲོག་ཆེན་པོ་བྱེད་པ་དང་། དེ་ལ་ཡིད་སྨོན་དང་བཅས་རང་སྲེག་མཁན་གྱི་ཁྱིམ་མིའི་སྙན་གྲགས་ཇེ་ཆེར་གཏོང་རྒྱུ་སོགས་བོད་མིར་མགོ་གཡོག་མགོ་སྐོར་གྱིས་རང་སྲེག་ལ་སྐུལ་མ་བྱས་པ་རེད། བོད་ལྗོངས་དྲ་བ་ནས།
