དབང་རྒྱལ་ལཊ་ཀྱི་སྐུ་པར་འབྱོར་ཡོད།

སྔར་ལོ་གསེར་རྟ་རྫོང་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་དབང་རྒྱལ་ལགས་ཀྱི་སྐུ་པར་ལག་སོན་བྱུང་ཡོད། 

ཕྱི་ལོ་ ༢༠༡༢ ཟླ ༡༡ ཚེས ༢༦ ཉིན་དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་གི་ཁྲོམ་གཞུང་དུ་རྒྱལ་གཅེས་དཔའ་བོ་དབང་རྒྱལ་ལགས་ཀྱིས།  རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱེད་སྐབས། རྒྱ་གཞུང་དྲག་ཆས་དམག་མི་དང་ཉེན་རྟོག་པ་ཡོང་སྟེ་ཁོང་གི་ལུས་སྟེང་གི་མེ་བསད་དེ་བཙན་འཁྲིད་བྱས་ཡོད་

པ་ལྟར། དུས་དེ་ནས་བཟུང་ཁོང་གི་སྤུན་མཆེད་དང་ཉེ་འབྲེལ་ཚོས་ས་གནས་ཉེན་རྟོག་པ་དང་འབྲེལ་ཡོད་ལས་བྱེད་བཅས་ལ་འབྲེལ་ཅི་ཙམ་བྱས་ཀྱང་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་ཀྱི་མེད་ཀྱང་། ཉེ་ལམ་འབྲེལ་ཡོད་མི་སྣ་བརྒྱུད་དེ་ཁོང་གི་སྐུ་པར་སོན་བྱུང་ཡོད་འདུག

 རང་ལོ་ ༢༦ ཡིན་པའི་རྒྱལ་གཅེས་དཔའ་བོ་དབང་རྒྱལ་ལགས་ནི། དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་སྟག་རྩེད་ཡུལ་ཚོའི་མཆོག་ཚང་ཁ་ཤུལ་སྡེ་བའི་ཕ་ཚེ་འདས་འཆི་མེད་དང་མ་ཚེ་འདས་མཛེས་ལྡན་གཉིས་ཀྱི་བུ་ཡིན་ཞིང་། ཆུང་དུས་སློབ་གྲྭར་འགྲིམ་པ་དང་རྗེས་སུ་གྲྭ་བ་བྱས་མྱོང་ཡོད་འདུག  ཁོང་ལ་མིང་སྲིང་གསུམ་ཡོད་པའི་ཁྲོད་ཀྱི་སྤུན་ཆེ་བའི་མིང་ལ་ཚེ་སྒྲུབ་དང་། སྤུན་ཆུང་བའི་མིང་ལ་ཕུར་མགོན། སྲིང་མོའི་མིང་ལ་ཚེ་དགའ་འབོད་ཀྱི་ཡོད་འདུག

གསར་འགོད་པ། དོན་གོ

དུས་བབ་དྲ་བ་ནས།