གོ་འཇོར་བོད་མི་གསོད་བཟུང་།

རྒྱ་ནག་གཞུང་གིས་ཁམས་གོ་འཇོ་རྫོང་གི་བོད་མི་གཅིག་དམར་གསོད་བཏང་ཡོད་པ་མ་ཟད། བོད་མི་ཁག་ཅིག་འཛིན་བཟུང་གིས་ད་ཆར་ཡང་གར་ཡོད་ཅི་བྱུང་གི་གནས་ཚུལ་ཤེས་རྟོགས་མེད་པ་ཆགས་འདུག

བོད་ནས་འདི་གར་གནས་ཚུལ་འབྱོར་བ་ལྟར་ན། རྒྱ་ནག་གཞུང་གིས་འདི་ལོའི་ཕྱི་ཟླ་ ༣ པའི་ཟླ་མཇུག་ཏུ་ཁམས་གོ་འཇོ་སྨ་རོང་གྲོང་ཚོའི་འཇོ་ལ་ཚང་གི་བུ་ནོར་དགའ་ཞུ་བར། ས་གནས་ཉེན་རྟོག་པ་དང་དམག་མིས་རྒྱུ་རྐྱེན་ཅི་ཡིན་གསལ་བཤད་

མེད་པར་ཉེས་རྡུང་བཏང་སྟེ་རྐྱེན་ལམ་དུ་བཏང་ཡོད་པ་མ་ཟད། ཕྱི་ལོ་༢༠༡༢ ལོའི་ཟླ་ ༧ པར་བྲག་ནག་དགོན་པའི་མཁན་པོ་པདྨ་བཀྲ་ཤིས་ལཊ། གནས་ཚུལ་ཅི་ཡིན་གསལ་བཤད་མེད་པར་འཛིན་བཟུང་གིས་ཆབ་མདོའི་ཕྱོཊ་སུ་འཁྲིད་རྗེས་ད་བར་ཤི་གསོན་གྱི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག་ལ། སྔར་ལོ་ཕྱི་ཟླ་ ༩ ཚེས་ ༢ ཉིན་གོ་འཇོ་རྫོང་ཆོས་རྒྱལ་དགོན་པའི་སྤྲུལ་སྐུ་དཔལ་ལྡན་དབང་རྒྱལ་དང་། འགྲོ་འདྲེན་དགོན་པའི་སྤྲུལ་སྐུ་རྡོ་རྗེ་ཆོས་འབྱོར། རྒྱལ་བ་དགོན་པའི་མཁན་པོ་བསོད་ནམས་མཁའ་འགྲོ། ཐུབ་བསྟན་བཅས་མི་ ༤ རྒྱ་ནག་གཞུང་གིས་སྐབས་དེར་བླ་སྤྲུལ་ཚོ་བསྡུ་སྐོང་གིས་འཛིན་བཟུང་བྱས་ཏེ། ཆབ་མདོའི་ཕྱོཊ་སུ་འཁྲིད་ཡོད་ཀྱང་། ད་བར་ཡུལ་མི་ཚོས་གར་ཡོད་དང་ཤི་གསོན་གྱི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག

གནས་ཚུལ་ནང་བཀོད་པར། རྒྱ་ནག་གཞུང་གིས་བོད་ཀྱི་ས་ཁུལ་གང་སར་བོད་མི་དམར་གསོད་དང་དྲག་གནོན། ཁོར་ཡུག་ལ་གཏོར་སྐྱོན་བཏང་བ་དང་། ལྷག་པར་ ༢༠༠༨ ལོ་བཟུང་བོད་མིའི་ཐོག་ཁྲིམས་ལུཊ་འདྲ་མིན་བཟོས་ཏེ་བོད་མི་ཚོ་དམར་གསོད་དང་བཙོན་འཇུག གང་བྱུང་ཉེས་རྡུང་དང་ཁྲིམས་ཆད་བྱས་པ་སོཊ་བློ་ཡུལ་ལས་འདས་པའི་མནར་གཅོད་གཏོང་གི་ཡོད་པ་མ་ཟད། ཉེ་བའི་ལོ་ཤས་རིང་ནས་བཟུང་ཁམས་གོ་འཇོ་རྫོང་གི་ཉེ་འགྲམ་དུ་ཡོད་པའི་ཕ་རེས་གྲོང་གི་ཡུལ་མིའི་ས་ཞིང་བཙན་འཕྲོག་གིས། ཡུལ་མི་རྣམས་ས་གནས་གཞན་དུ་གནས་སྤོར་རུ་བཅུག་པ་དང་། ས་གནས་ཀྱི་དགོན་སྡེ་ཁག་ཏུ་དམག་མི་དང་ཉེན་རྟོག་པ། ལས་བྱེད་མི་སྣ་མངགས་གཏོང་གིས་དགོན་གྲོང་གཉིས་ལ་རྒྱལ་གཅེས་ཆོས་གཅེས་ཀྱི་སློབ་གསོ་སྤེལ་བ་སོཊ་ཡུལ་མི་ཚོར་དམ་དྲག་ལྟ་རྟོག་ནན་མོ་བྱེད་ཀྱི་ཡོད་འདུག  

གསར་འགོད་པ། དོན་གོ

དུས་བབ་དྲ་བ་ནས།