འབར་རྫས་ཡིན་མིན་མ་ཤེས་ཟེར།

དེ་རིང་སྔ་དྲོར་དྷ་སའི་གླིང་སྐོར་ལམ་ནས་ཅ་དངོས་ཤིག་རྙེད་ཡོད་པ་དེ་འབར་རྫས་ཡིན་པའི་དོགས་གཞིའི་འོག་རྒྱ་གར་བདེ་སྲུང་ལས་ཁུངས་ལ་སྤྲད་ཡོད་འདུག

དེ་རིང་སྔ་དྲོར་དྷ་རམ་ས་ལའི་བཞུགས་སྒར་ཕོ་བྲང་གི་ཉེ་འགྲམ་གླིང་སྐོར་ལམ་དུ་ཨ་ཅག་གད་སྙིགས་སྒྲུག་མཁན་ཞིག་གིས་འབར་རྫས་ཤིག་རྙེད་ཡོད་པའི་པར་དང་གནས་ཚུལ་ངོ་དེབ་སོགས་སྤྱི་ཚོགས་བརྒྱུད་ལམ་ཁག་ཏུ་ཁྱབ་བཞིན་ཡོད་སྟབས། འདི་གའི་གསར་འགོད་པས་ཁ་པར་བརྒྱུད་བོད་མིའི་སྒྲིག་འཛུགས་བདེ་སྲུང་ལས་ཁུངས་སུ་སྐད་ཆ་

དྲིས་པར། ཅ་དངོས་དེ་འདྲ་ཞིག་རྙེད་དེ་ང་ཚོར་སྤྲད་པ་བདེན་པ་རེད། ང་ཚོས་དེ་མ་ཐག་རྒྱ་གར་བདེ་སྲུང་ལས་ཁུངས་ལ་སྤྲད་ཚར་ཡིན། ཅ་དངོས་དེ་ག་རེ་ཡིན་མིན་ང་ཚོས་གསལ་བོ་ཤེས་ཡོད་པ་མ་རེད། ད་ཆར་རྒྱ་གར་ལས་ཁུངས་སུ་ཞིབ་འཇུག་བྱེད་བཞིན་ཡོད་པ་རེད། ཅེས་བརྗོད་བྱུང་།

གསར་འགོད་པ། པདྨ་མཚོ།

དུས་བབ་དྲ་བ་ནས།།