རྒྱ་ནག་གི་འཇིགས་སྐུལ་དང་མཐའ་ལྷུང་བཅའ་ཁྲིམས།

༢༠༡༥་ལོའི་རྒྱ་ནག་རྒྱལ་ཡོངས་མི་དམངས་འཐུས་མིའི་ཚོགས་ཆེན་གྱི་ལོ་འཁོར་ཚོགས་ཆེན་ཕྱི་ཟླ་༣་ཚེས་༥་ཉིན་འགོ་ཚུགས་ཡོད་ཅིང་། ད་ལོའི་ཚོགས་ཆེན་ཐོག་ཏུ་
འཇིགས་རིང་སྐུལ་རིང་ལུགས་དང་མཐའ་ལྷུང་རིང་ལུགས་ལ་འཐབ་རྒོལ་གྱི་བཅའ་ཁྲིམས་གསར་པ་ཞིག་གཏན་འབེབས་བྱ་འཆར་ཡོད་པས། རྒྱལ་སྤྱིའི་ཉེས་ཡངས་ཚོགས་པས་རྒྱ་ནག་གི་བཅའ་ཁྲིམས་དེ་དག་མི་དམངས་ཀྱི་ཆོས་དད་རང་དབང་དང་གཏམ་བརྗོད་རང་དབང་ལ་བརྩི་མེད་དང་། ལྷག་པར་དུ་གྲངས་ཉུང་མི་རིགས་ཁག་གི་ཐོབ་ཐང་ལ་རྡོག་རྫི་་གཏོང་བའི་ཁྲིམས་ཤིག་ཡིན་པ་དང་། རྒྱ་ནག་མི་དམངས་ལ་ཆོས་དད་རང་དབང་མེད་པ་དང་གཏམ་བརྗོད་རང་དབང་མེད་པ། ཁོང་ཚོས་ཞི་བའི་སྒོ་ནས་རྒྱ་ནག་གཞུང་དང་གཞུང་གི་སྲིད་ཇུས་ཁག་ལ་སྐྱོན་བརྗོད་བྱ་མི་ཆོག་པའི་གནས་སྟངས་དེ་ཉིད་སྔར་ལས་ཇེ་སྡུག་ཏུ་འགྲོ་རྒྱུ་ཉག་ཅིག་རེད་ཅེས་སྐྱོན་བརྗོད་བྱས་འདུག
ཨ་རིའི་རླུང་འཕྲིན་ཁང་ནས།