ས་བྱི་ལོའི་བརྙན་ཕབ་གསར་པ།

༢༠༠༨ ལོའི་ས་བྱི་ཞི་རྒོལ་ཆེན་མོའི་སྐབས་རྒྱ་དམག་གིས་འཛིན་བཟུང་བྱས་པའི་དངོས་བྱུང་བརྙན་ཕབ་ཅིག་གསར་དུ་ལག་སོན་བྱུང་ཡོད་འདུག

ཉེ་ལམ་དབུས་བོད་མིའི་སྒྲིག་འཛུགས་ལ་ལག་སོན་བྱུང་པའི་བརྙན་ཕབ་དེ་ནི། ༢༠༠༨ ལོའི་ཕྱི་ཟླ་ ༣ པའི་ཚེས་ ༡༠ ཉིན་གདན་ས་སེ་ར་དགོན་པའི་དགེ་འདུན་པ་དང་ཆུ་བཟང་དགོན་པའི་བཙུན་མ་ཚོས་རྒྱ་གཞུང་ལ་ཞི་བའི་ཁྲོམ་སྐོར་ལ་རྒྱ་དམག་གིས་དྲག་གནོན་བྱ་རྩིས་བྱས་སྐབས། ལྷ་ས་གྲོང་ཁྱེར་ཁྲིན་ཀོན་ཆུས་དོག་སྡེ་ཞང་མང་ཚོགས་ཀྱིས་རྒྱ་དམག་སེ་རར་ཡོང་མ་བཅུག་པར་ལམ་ཁ་བཀག་པ་དང་། དགེ་འདུན་པའི་ལས་འགུལ་ལ་མཉམ་ཞུགས་བྱས་སྟབས། ཉིན་ཤས་རྗེས་ལྷ་ས་གྲོང་ཁྱེར་དྲག་ཆས་ཉེན་རྟོག་དམག་མི་དང་ཉེན་རྟོག་རུ་ཆེན། སྤྱི་བདེ་ཉེན་རྟོག་པ། དམིགས་བསལ་དྲག་ཆས་ཉེན་རྟོག་པ། མཐའ་མཚམས་དམག་མི་བཅས་མཉམ་རུབ་ཐོག་གློ་བུར་དུ་བོད་རིགས་མང་ཚོགས་ཀྱི་ཁྱིམ་ཚང་ཁག་ལ་འཇབ་རྒོལ་བྱས་ཏེ། ཅ་དངོས་སྔོག་བཤེར་དང་བོད་མི་འཛིན་བཟུང་བྱེད་བཞིན་པའི་བརྙན་ཕབ་ཅིག་ཡིན་འདུག

རྒྱ་གཞུང་གིས་ཁོང་རྣམས་འཛིན་བཟུང་བྱས་ཏེ་ལོ་ཤས་ལྷག་ཕྱིན་ཡོད་ནའང་། ད་བར་ཁོང་ཚོའི་གནས་སྟངས་སྐོར་གང་ཡང་ཤེས་རྟོགས་བྱུང་ཡོད་མི་འདུག

དུས་བབ་དྲ་བ།