སང་ཉིན་ནས་མགོ་བཙུགས་ཏེ་ཟླ་གཅིག་རིང་ལས་འགུལ་སྤེལ་རྒྱུ་རེད།

སང་ཉིན་ཕྱི་ཟླ་དང་པོའི་ཚེས་ ༡ ནས་མགོ་འཛུཊ་ཀྱིས་དུས་ཡུན་ཟླ་གཅིག་རིང་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་དེ་རྒྱ་གར་རྒྱལ་ཡོངས་ནང་བོད་དོན་ཞུ་གཏུག་གི་ལས་འགུལ་ཞིག་སྤེལ་རྒྱུ་ཡིན་པ་དང་། ཕྱི་ཟླ་གཉིས་པའི་ ༡ ཉིན་བཀའ་སྤྱི་ཐུན་མོང་གིས་རྒྱལ་ས་ལྡི་ལིར་མི་མང་འདུ་འཛོམས་ཀྱི་ལས་འགུལ་གཞི་རྒྱ་ཆེན་པོ་ཞིག་སྤེལ་རྒྱུ་ཡིན་འདུག

སང་ཉིན་ཕྱི་ལོ་ ༢༠༡༣ ལོའི་ཟླ་ ༡ ཚེས་ ༡ ཉིན་ནས་ནས་བཟུང་། བོད་མི་མང་སྤྱི་འཐུས་ལྷན་ཚོཊ་ཀྱིས་སྣེ་ཁྲིད་དེ་རྒྱ་གར་རྒྱལ་ཡོངས་མངའ་སྡེ་ཁག་ཏུ་ “བོད་མིའི་གནས་སྟངས་ཞུ་གཏུག” ཅེས་པའི་ལས་འགུལ་ཞིག་མགོ་འཛུགས་རྒྱུ་ཡིན་པ་དང་། ལས་འགུལ་སྐབས་ཕྱོགས་བཞུཊ་སྤྱི་འཐུས་ ༡༨ དང་ས་གནས་འབྲེལ་ཡོད་བོད་མི་ ༡༢༠ ཙམ་གྱིས་མངའ་སྡེ་ཁག་གི་སྲིད་སྐྱོང་དང་སྤྱི་ཁྱབ་བློན་ཆེན། གྲོས་ཚོགས་ཚོཊ་གཙོ་དང་འཐུས་མིོའི་ལས་ཁུངས་བཅས་སུ་ངོ་སྐྱོད་ཀྱིས་དོན་ཚན་ ༢ ཅན་གྱི་འབོད་སྐུལ་ཞུ་ཡིག་ཅིག་འབུལ་རྒྱུ་ཡིན་འདུག

ཞུ་ཡིག་དེ་བོད་དབྱིན་ཧིན་གསུམ་གཙོས་ས་གནས་ཁག་གི་ཡུལ་སྐད་ནང་ཕབ་བསྒྱུར་གྱིས་རྒྱ་གར་མི་མང་ནང་འགྲེམས་སྤེལ་དང་། ད་ལྟའི་བོད་ནང་གི་ཛ་དྲག་གནས་སྟངས་སྐོར་ས་གནས་ཁག་ཏུ་གསར་འགོད་གསལ་བསྒྲཊ། གནད་ཡོད་མི་སྣ་གདན་འདྲེན་གྱིས་གཏམ་བཤད་བཅས་སྤེལ་རྒྱུ་ཡིན་འདུག

ལས་འགུལ་དེ་རྒྱ་གར་ས་གནས་ཆེ་ཁག་གསུམ་ནང་མགོ་འཛུགས་གནང་རྒྱུ་ཡིན་པ་དང་། ལྷོ་ཕྱོཊ་ཁུལ་གྱི་ལས་འགུལ་སྣེ་འཁྲིད་མཁན་སྤྱི་འཐུས་རྒྱ་རི་བུ་ཕྲུག་དང་ཚེ་རིང་གཡུ་སྒྲོན། ཨ་ཀྲུག་ཚེ་བརྟན། འཇིགས་མེད་འབྱུང་གནས། བློ་བཟང་ཡེ་ཤེས། བུ་མོ་ཚེ་རིང་བཅས་ཡིན་པ་དང་། བྱང་ཤར་ཁུལ་གྱི་ལས་འགུལ་སྣེ་འཁྲིད་མཁན་སྤྱི་འཐུས་པདྨ་འབྱུང་གནས་དང་གསེར་རྟ་ཚུལ་ཁྲིམས། ནོར་བུ་ཚེ་རིང་། བསྟན་པ་ཡར་འཕེལ། དབྱངས་ཅན་སྒྲོལ་དཀར། ཤར་གླིང་ཟླ་སྒྲོན་བཅས་ཡིན་འདུག བྱང་ཕྱོགས་ཁུལ་གྱི་ལས་འགུལ་སྣེ་འཁྲིད་མཁན་སྤྱི་འཐུས་ཐུབ་བསྟན་ལུང་རིགས་དང་ཟླ་བ་ཚེ་རིང་། རྨོག་རུ་བསྟན་པ། དགེ་བཤེས་སྐལ་བཟང་དགྲ་འདུལ། ཡེ་ཤེས་སྒྲོལ་མ། གངས་ལྷ་མོ་བཅས་ཡིན་འདུག

སྤྱི་འཐུས་རྒྱུན་ལས་རྣམ་པ་དང་ལས་བགོས་བརྒྱབ་ཡོད་པའི་སྤྱི་འཐུས་རྣམས་ཉིན་འགའི་སྔོན་ནས་འཐོན་ཚར་ཡོད་པ་དང་། ཡང་ལས་བགོས་སྤྱི་འཐུས་རྣམ་པའི་ཁྲོད་ཀྱི་སྤྱི་འཐུས་ཁག་ཅིག་སྒེར་དོན་གྱི་དབང་གིས་སྐབས་མཚམས་སུ་དགོངས་ཞུ་གནང་ཡོད་འདུག

ཕྱི་ཟླ་དང་པོའི་ཟླ་མཇུག་ལ་བཀའ་སྤྱི་ཐུན་མོང་གི་གོ་སྒྲིག་འོག རྒྱ་གར་རྒྱལ་ས་ལྡི་ལིར་མི་མང་འདུ་འཛོམས་ཀྱིས་གདུང་སེམས་མཉམ་སྐྱེད་ལས་འགུལ་ཞིག་སྤེལ་རྒྱུ་ཡིན་པ་དང་། སྤྱི་འཐུས་རྒྱུན་ལས་ལི་ཐང་འཇམ་དབྱངས་བཟོད་པ་ལཊ་ཀྱིས་ངོ་སྤྲོད་གནང་བ་ལྟར་ན། ལས་འགུལ་དེ་ནི་ད་ལོའི་དམིགས་བསལ་ཚོགས་ཆེན་གྱི་མཐའ་མའི་རྒྱབ་གཉེར་སྙན་ཐོ་ཁག་ལག་བསྟར་བྱས་པ་ཞིག་ཡིན་པ་དང་། ཕྱི་ཟླ་ ༡ ཚེས་ ༣༠ ནས་ཕྱི་ཟླ་ ༢ ཚེས་ ༢ ཉིན་བར་ཉིན་བཞིའི་རིང་ལྡི་ལིའི་ཊཱོལ་ཁཱ་ཊོ་རོ་སི་ཊེ་ཊེམ་ (talkatora stadium)  དང་། ཇན་ཏར་མཱན་ཏར་ (raj ghat jantarmantar ) གཙོས་ས་གནས་ཁག་གསུམ་ནང་མི་མང་འདུ་འཛོམས་ཐོག རྒྱ་གར་ཆབ་སྲིད་མི་སྣ་དང་ཆོས་ལུཊ་དབུ་ཁྲིད། དབུས་བོད་མིའི་སྲིད་འཛུཊ་ཀྱི་སྲིད་སྐྱོང་དང་སྤྱི་འཐུས་ཚོཊ་གཙོ་སོཊ་ཀྱིས་མང་ཚོཊ་ལ་གཏམ་བཤད་དང་། རྒྱལ་སྤྱིའི་རང་བཞིན་ཅན་གྱི་གསར་འགོད་གསལ་བསྒྲགས་སོཊ་སྤེལ་རྒྱུ་ཡིན་འདུག

གསར་འགོད་པས་སྤྱི་འཐུས་འཇམ་དབྱངས་བཟོད་པ་ལཊ་སུ། ལས་འགུལ་དེར་མི་ག་ཚོད་ཅིག་འཛོམས་ཐུབ་པར་ཚོད་དཔག་བྱེད་ཀྱི་ཡོད་མེད་དྲིས་པར། “ཕྱི་ཟླ་དང་པོའི་ཚེས་ ༡༠ ཉིན་བར་ལྡི་ལིར་འགྲོ་མཁན་ཚོའི་མིང་ཐོ་ཚོཊ་དྲུང་ལས་ཁུངས་སུ་འབྱོར་དགོས་སྟབས། ད་སྔ་མི་ག་ཚོད་འབྱོར་ཐུབ་མིན་བཤད་ཚོད་མི་ཐུབ་ཀྱང་། ང་རང་སྒེར་ངོས་ནས་མི་ ༤༠༠༠ ལྷག་འཛོམས་ཐུབ་རྒྱུར་རེ་བ་རྒྱག་གི་ཡོད། ལས་འགུལ་འདི་ཕྱི་ཟླ་ ༡ པའི་ཟླ་མཇུག་ཏུ་གཏན་ཁེལ་དོན་ནི། སྐབས་དེར་གཅིག་ནས་བོད་མི་སིལ་ཚོང་བ་རྣམས་ཕྱིར་ནང་དུ་ལོག་གི་ཡོད་པ་དང་། གཉིས་ནས་ཧི་མ་ཡ་ལའི་མི་རིཊ་གཙོས་བོད་མི་མང་པོ་ཞིག་ཝ་ར་ཎ་སིའི་གསུང་ཆོས་ཚར་རྗེས་ལྡི་ལིར་བརྒྱུད་ཕྱིར་ལོག་གི་ཡོད་པ། སློབ་གྲྭ་ཁག་གི་སློབ་ཕྲུག་ཚོའང་གུང་གསེང་ལ་ཁེལ་ཡོད་སྟབས། ལས་འགུལ་དེར་བོད་པ་མང་པོ་ཞིག་འཛོམས་ཐུབ་པའི་ཆ་རྐྱེན་ཚང་གི་ཡོད" ཅེས་བརྗོད་བྱུང་།

ཡང་ཁོང་ལ་ལས་འགུལ་དེར་ཞུགས་མཁན་ཚོའི་འགྲོ་གྲོན་སྐོར་ལ་གྲ་སྒྲིག་གང་འདྲ་ཡོད་མེད་དྲིས་པར། "ལོ་སྔོན་མ་དང་མི་འདྲ་བར་ལས་འགུལ་ཚཊ་ཚུད་ཡོང་ཆེད། ལས་འགུལ་ནང་ཞུཊ་མཁན་རྣམས་གཞུང་གི་བཀོད་ཁྱབ་འོག ས་གནས་མགོ་འཛིན་དང་ས་འཐུས་སྐུ་ཚབ། རང་བདེན་ཚོཊ་ཆུང་བཅས་ཀྱི་སྐུ་ཚབ་ཀྱིས་སྣེ་ཁྲིད་འོག་ཡོང་དགོས་པ་བཟོས་ཡོད། མ་གཞི་ལས་འགུལ་དེར་འཛིན་སྐྱོང་གིས་ཧིན་སྒོར་འབུམ་ ༡༠༠ ཙམ་གཏོང་རྒྱུའི་འཆར་གཞི་བཟོས་ཡོད་ཀྱང་འགྲོ་སོང་ཆ་ཚང་གཞུང་གིས་གཏོང་ཐུབ་ཀྱི་ཡོད་པ་མ་རེད། དེར་བརྟེན། ལྡི་ལིར་ལས་འགུལ་སྤེལ་སྐབས་ཀྱི་སྡོད་གནས་དང་ལས་འགུལ་སྐབས་ཡར་མར་འགྲོ་བྱེད་ཀྱི་འགྲོ་སོང་སོགས་གཞུང་གིས་གཏོང་རྒྱུ་ཡིན་པ་ལས། ལམ་གྲོན་དང་ཟས་སོང་ཚང་མ་དོ་བདག་རང་ངོས་ནས་འགན་ལེན་དགོས་པ་རེད”ཅེས་བརྗོད་སོང་།

ཁོང་གིས་ད་རེབ་ཀྱི་ལས་འགུལ་དེའི་གལ་གནད་སྐོར་བརྗོད་དོན “འཛིན་སྐྱོང་གིས་ཕྱི་ལོ་ ༢༠༡༣ ལོ་དེ་ལས་འགུལ་སྤེལ་རྒྱའི་ལོ་ཞིག་ཡིན་ཞེས་གསུང་བསྡད་ཡོད་པ་རེད། ད་བར་བོད་ནང་བོད་མི་ ༩༥ ཡིས་རང་བསྲེཊ་བཏང་སྟེ་བོད་ནང་གི་གནས་སྟངས་ཧ་ཅང་ཛ་དྲག་ཆཊ་ཡོད། ད་ཆར་རྒྱ་གཞུང་གིས་བོད་ནང་རང་བསྲེཊ་གཏོང་མཁན་ཚོར་ཁྲིམས་ཆད་འདྲ་མིན་གཏོང་གི་ཡོད་ལ། མེར་བསྲེཊ་གནད་དོན་དེ་དང་འབྲེལ་ནས་བོད་ནང་བོད་མི་མང་པོ་ཞིག་ལ་གང་བྱུང་ནག་ཉེས་བཙུཊ་ཏེ་འཛིན་བཟུང་བྱ་རྒྱུའི་མགོ་བཙུཊ་ཡོད། ང་ཚོས་གནས་སྟངས་དེ་དག་ལ་དམིཊ་ཏེ་ལས་འགུལ་སྤེལ་གྱི་ཡོད་དུས། མི་མང་གིས་རྒྱབ་སྐྱོར་དང་ལས་འགུལ་ནང་མཉམ་ཞུགས་གནང་རྒྱུ་ཧ་ཅང་གལ་ཆེན་ཆགས་ཡོད་པ་རེད”ཅེས་བརྗོད་བྱུང་།

ད་རེབ་བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་གར་གཞུང་དམངས་གཉིས་ལ་འབོད་སྐུལ་དོན་ཚན་གཉིས་འབུལ་འཆར་ཡོད་པ་ནི། གཅིག ད་ལྟའི་རྒྱ་གཞུང་གིས་རྒྱལ་སྲུང་གི་འགྲོ་གྲོན་ལས་རྒྱལ་ནང་བརྟན་སྲུང་གི་འགྲོ་གྲོན་ཆེ་བ་གཏོང་དགོས་པའི་རྒྱུ་མཚན་གཙོ་བོ་གཅིག་ནི། བོད་སོཊ་ཀྱིས་རྒྱ་གཞུང་ལ་ཞི་རྒོལ་མཐའ་གཅིག་ཏུ་བྱེད་བཞིན་པ་དེས་ཡིན་ཞིང་། གལ་སྲིད་བོད་ནང་གི་བོད་མི་ཚོ་ཡར་ལངས་ངོ་རྒོལ་མ་ཐུབ་པར་མཐའ་གཅིག་ཏུ་རྒྱ་གཞུང་འོག་མགོ་སྒུར་དགོས་པའི་གནས་སྟངས་ཤིག་ཆཊ་ན། རྒྱ་དཀར་ནག་གཉིས་བར་གྱི་རྩིག་གྱང་མཐོན་པོ་དེ་རྨང་ནས་འཐོར་ངེས་ཡིན་པས། རྒྱ་གཞུང་གི་དམག་དང་དཔལ་འབྱོར་སྟོབས་ཤུགས་ཀྱིས་རྒྱ་གར་མཐའ་མཚམས་ཁག་ཏུ་ཐེ་ཚོམ་མེད་པར་འཇིགས་སྣང་ཤུགས་ཆེན་སློང་ངེས་ཡིན་སྟབས། གནས་སྟངས་དེ་གསལ་པོ་ཧ་གོ་བའི་ཐོག་ནས། རྒྱ་གར་ཡུལ་མི་ཚོས་བོད་མིའི་འཐབ་རྩོད་ལ་སྔར་བའི་རྒྱབ་སྐྱོར་གནང་བའི་རེ་བ་ཞུ། གཉིས། རང་དབང་དང་དམངས་གཙོར་དགའ་བའི་རྒྱལ་ཁབ་མང་པོའི་གཞུང་དང་ཆབ་སྲིད་མི་སྣས་བོད་དོན་གླེང་སློང་དང་རྒྱ་ནག་ལ་སྐྱོན་བརྗོད། ལྷག་པར་དུ་གྲོས་ཚོཊ་ཁག་ཏུ་བོད་དོན་རྒྱབ་སྐྱོར་གྱི་གྲོས་ཆོད་མང་པོ་འཇོག་གི་ཡོད་པ་ལྟར། རྒྱ་གར་དབུས་དང་མངའ་སྡེ་ཁག་གི་ནང་དུའང་དེ་ལྟར་གནང་ཐུབ་པའི་རེ་བ་ཡོད་ཅེས་འཁོད་འདུག  

གསར་འགོད་པ། དཔལ་ལྡན།

དུས་བབ་དྲྭ་བ་ནས།