ཀཱ་ན་ཊ་ཀཱའི་ནང་བོད་དོན་ཞུ་གཏུག

ལྷོ་ཕྱོགས་ཁུལ་གྱི་ཞུ་གཏུག་ལས་འགུལ་ཚོགས་ཆུང་གིས་ཀཱ་ན་ཊ་ཀཱ་མངའ་སྡེའི་སྲིད་སྐྱོང་དང་སྤྱི་ཁྱབ་བློན་ཆེན།  གྲོས་ཚོགས་ཚོགས་གཙོ་བཅས་གནད་ཡོད་མི་སྣར་མཇལ་འཕྲད་གནང་སྟེ་བོད་དོན་ཞུ་གཏུག་གི་ལས་འགུལ་སྤེལ་ཡོད་འདུག

ཟླ་འདིའི་ཕྱི་ཚེས་ ༡ ཉིན་ནས་བཟུང་བོད་མི་མང་སྤྱི་འཐུས་ལྷན་ཚོཊ་ཀྱིས་རྒྱ་གར་ལྷོ་ཕྱོགས་དང་བྱང་ཕྱོཊ། བྱང་ཤར་བཅས་སུ་བོད་དོན་ཞུ་གཏུག་གི་ལས་འགུལ་ཞིག་སྤེལ་མགོ་བཙུགས་ཡོད་པ་ལྟར། རྒྱ་གར་ལྷོ་ཕྱོགས་ཁུལ་གྱི་སྤྱི་འཐུས་

རྒྱ་རི་བུ་ཕྲུག་དང་བུ་མོ་ཚེ་རིང་། ཚེ་རིང་གཡུ་སྒྲོན། བློ་བཟང་ཡེ་ཤེས། འཇིཊ་མེད་འབྱུང་གནས། ཨ་ཀྲུག་ཚེ་བརྟན་ལཊ་བཅས་ཀྱིས། ཉིན་དེར་ཀཱ་ན་ཊ་ཀཱ་མངའ་སྡེིའི་གྲོས་ཚོགས་ཀྱི་ཚོགས་གཙོ་སྐུ་ཞབས་ (B.P Bopiah)  མཆོག་དང་མཇལ་འཕྲད་ཀྱིས་བོད་དོན་ཞུ་གཏུག་དང་གྲོས་ཚོགས་གོང་འོག་གཉིས་ཀྱི་ཚོགས་ཁང་དུ་གཟིགས་སྐོར་བཅས་གནང་ཡོད་འདུག་ལ། ཕྱི་ཚེས་ ༢ ཉིན་གྱི་སྔ་དྲོ་(Banglore Press Club) ཞེས་པའི་ནང་རླུང་བརྙན་འཕྲིན་དང་དྲ་རྒྱ། ཚགས་ཤོག་བཅས་ཀྱི་གསར་འགོད་པ་ ༣༠ ལྷག་ལ་བོད་ནང་གི་རང་ལུས་མེར་བསྲེཊ་ཀྱི་གནས་ཚུལ་ཐོག་གསར་འགོད་གསལ་བསྒྲགས་དང་། བོད་དོན་ངོ་སྤྲོད་ཀྱི་དེབ་དང་ཡིག་ཆ་འགྲེམས་སྤེལ།  སྐར་མ་དྲུག་ཅན་གྱི་བོད་ནང་གི་ཛ་དྲག་གནས་སྟངས་དང་རང་ལུས་མེར་བསྲེཊ་སྐོར་གྱི་གློག་བརྙན་གཟིགས་འབུལ་བཅས་གནང་ཡོད་འདུག

ཉིན་རྒྱབ་ཀཱ་ན་ཊ་ཀཱའི་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ (Jagadish Shetter) མཆོག་དང་མཇལ་འཕྲད་ཀྱིས། བོད་དོན་ངོ་སྤྲོད་ཀྱི་དེབ་དང་ཡིག་ཆ། འོད་སྡེར་སོགས་ཕུལ་ཡོད་པ་མ་ཟད། རང་ལུས་མེར་བསྲེཊ་གཙོས་པའི་བོད་ནང་གི་ཛ་དྲག་གི་གནས་སྟངས་ངོ་སྤྲོད་ཀྱིས་བོད་དོན་ཐོག་རྒྱབ་སྐྱོར་ཡོང་བའི་འབོད་སྐུལ་ཞུས་པར། བློན་ཆེན་མཆོག་གིས་ ཀཱ་ན་ཊ་ཀཱ་མངའ་སྡེའི་ནང་ལྟ་བ་མི་མཐུན་པའི་ཚོགས་སྡེ་འདྲ་མིན་ཡོད་ཀྱང་། ཚང་མས་བོད་དོན་ཐོག་རྒྱབ་སྐྱོར་བྱེད་ཀྱི་ཡོད་སྐོར་དང་། ཁོང་གཙོས་པའི་མངའ་སྡེ་མི་མང་དུས་ནམ་ཡང་བོད་དང་བོད་མིའི་རྒྱབ་ཏུ་ཡོད་ཅེས་སོཊ་གསུངས་ཡོད་པ་མ་ཟད། ཉིན་དེར་སྤྱི་ཁྱབ་བློན་ཆེན་ཟུར་བ་སྐུ་ཞབས་ (B.Syeddurappa) མཆོག་དང་ལྕམ་སྐུ་ (Shobhs Karandlagr) མཆོག་དང་། བློན་ཆེན་( mokrigehi) མཆོག གྲོས་ཚོགས་འཐུས་མི་ཁག་ཅིག་བཅས་ཀྱིས་ཀྱང་བོད་དོན་རྒྱབ་སྐྱོར་གནང་རྒྱུའི་ཁས་ལེན་གནང་ཡོད་འདུག

ཕྱི་ཚེས་ ༣ ནས་ ༥ བར་སྤྱི་འཐུས་རྣམ་པས་མུ་མཐུད་ཀིང་རི་སི་མངའ་སྡེ་སྤྱི་ཁྱབ་ལས་ཁུངས་སུ་བཅར་ཏེ་རྒྱུན་ལས་ ༢༣ ཙམ་ལ་ཐུག་འཕྲད་དང་། བློན་ཆེན་དང་འཐུས་མི་ཟུར་བ་བཅས་ཚོགས་སྡེ་འདྲ་མིན་གྱི་མི་སྣ་ ༡༨ ལྷག་བཅས་སུ་སྔ་ཕྱིར་ཐུག་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་ཡོད་པ་མ་ཟད།མངའ་སྡེ་བློ་ཆེན་དང་འཐུས་མི་ཁག་ཅིག་གདན་ཞུའི་ཐོག་མི་མང་ལ་གཏམ་བཤད་དང་མར་མེ་ཁྲོམ་སྐོར་བཅས་གོ་སྒྲིག་གནང་ཡོད་འདུག

གསར་འགོད་པ། དོན་གོ

དུས་བབ་དྲ་བ་ནས།