མི་རབས་གསར་པའི་དམག་རྒྱག་གནམ་གྲུ།

ཁ་སང་རྒྱ་ནག་གི་མཁའ་དམག་ཚན་པས་ཉེ་ལམ་གསར་བཟོ་བྱས་པའི་མཁའ་དམག་གནམ་གྲུ་ཁག་ཅིག་ཚོད་ལྟ་བྱས་ཡོད་འདུག

ཁ་སང་རྒྱ་ནག་དམག་སྲིད་ལྷན་ཚོགས་ཀྱི་ཚོགས་འདུ་ཚོགས་བཞིན་པའི་སྐབས་དང་བསྟུན་ཏེ། རྒྱ་ནག་གི་མཁའ་དམག་ཚན་པས་འདས་པས་བཟོ་སྐྲུན་བྱས་པའི་མི་རབས་བཞི་པའི་དམག་རྒྱག་གནམ་གྲུ་ (J20) དང་ (KJ-500)།  (Y-

20)ཞེས་པ་སོགས་ཁྱད་ཆོས་མི་འདྲ་བའི་གནམ་གྲུ་གསུམ་ཚོད་ལྟ་བྱས་ཡོད་ཅིང་། དེ་ནི་དམིགས་བསལ་ཁྱད་ཆོས་ལྡན་ཞིང་ཡར་ཐོན་ཅན་གྱི་དམག་རྒྱག་གནམ་གྲུ་ཞིག་ཆགས་ཡོད་འདུག

འདིའི་ཐད་རྒྱ་ནག་མཁའ་དམག་ཚན་པས་གསར་འགོད་པར། “ད་ལྟའི་དམག་རྒྱག་གནམ་གྲུ་འདི་དག་ནི་རྒྱ་ནག་གི་ཚན་རིག་ལག་རྩལ་ལས་ཐོན་པ་ཤ་སྟག་ཡིན་སྟབས། མཁའ་དམག་གནམ་གྲུ་དེ་དག་ལས་གཅིག་གིས་དགྲ་བོའི་གནམ་གྲུར་མྱུལ་ཞིབ་སྟངས་འཛིན་བྱེད་ཐུབ་པ་དང་། གནམ་གྲུ་གཞན་དག་གིས་མཚོན་ཆ་སྐྱེལ་འདྲེན་དང་། དགྲ་བོའི་མཚོན་ཆ་འགོག་སྲུང་བྱེད་ཐུབ།”ཅེས་བརྗོད་འདུག

(J20) ཞེས་པའི་དམག་རྒྱག་གནམ་གྲུ་དེ་ནི་རྒྱ་ནག་ནང་བཟོ་སྐྲུན་བྱས་པ་མ་ཟད། གནམ་གྲུའི་ཚོད་འཛིན་ལྟེ་གནས་ནས་མཚོན་ཆ་འཕངས་ཚེ་ལྷོ་རྒྱ་ནག་རྒྱ་མཚོའི་མངའ་ཁུལ་མང་ཆེ་བར་གཏོར་སྐྱོན་གཏོང་ཐུབ་ཀྱི་ཡོད་འདུག (Y-20)ཞེས་པའི་གནམ་གྲུ་དེས་རྡུལ་ཕྲན་མཚོན་ཆ་སྐྱེལ་འདྲེན་དང་། (KJ-500) ཞེས་པ་དེས་དགྲ་བོའི་མཁའ་དམག་གནམ་གྲུར་མྱུལ་ཞིབ་སྟངས་འཛིན་དང་། ཕར་ཕྱོགས་ཀྱི་མཚོན་ཆར་འགོག་སྲུང་བྱེད་ཐུབ་ཀྱི་ཡོད་འདུག

གསར་འགོད་པ། དོན་གྲུབ

དུས་བབ་དྲ་བ་ནས།།།