ཨ་རིས་ཉི་ཧོང་དང་རྒྱ་ནག་གི་འགོ་ཁྲིད་ཨ་རིར་མགྲོན་འབོད་གནང་ཡོད་པ།

ཨ་མི་རི་ཀས། ཉི་ཧོང་དང་ རྒྱ་ནག་གཉིས་དང་འབྲེལ་ལམ་གཏིང་ཟབ་ཏུ་གཏོང་རྒྱུའི་ཆེད་དུ། གོང་ཞུས་ཡུལ་གྲུ་གཉིས་ཀྱི་འགོ་ཁྲིད་གཉིས་ཨ་མི་རི་ཀའི་ནང་
ཆེ་མཐོང་ལྡན་པའི་ཐོག་ནས་གདན་འདྲེན་ཞུས་ཡོད་ལུགས་སྲིད་འཛིན་ཨོ་བྷ་མའི་རྒྱལ་སྲུང་ཐབས་བྱུས་འདྲི་ཡུལ་གཙོ་གྲས་ཤིག་གིས་གསུངས་ཡོད་པ་དང་ དེ་བཞིན། ཁོང་གིས་ལོ་འདིའི་ནང་ཨིན་ཊོ་ནི་ཤི་དང་ ལྷོ་ཀོ་རི་ཡའི་འགོ་ཁྲིད་གཉིས་ཀྱང་ཨ་མི་རི་ཀར་ཕེབས་འཆར་ཡོད་ལུགས་གསུངས་ཡོད་པ་རེད། ཨ་རིའི་རླུང་འཕྲིན་ཁང་ནས།།