ཉི་རྒྱ་མཛའ་འབྲེལ་སྨན་ཁང་གི་མིང་བརྗེས།
རྒྱ་གཞུང་གིས་ཉི་རྒྱ་མཛའ་འབྲེལ་སྨན་ཁང་གི་མཛའ་འབྲེལ་ཞེས་པའི་ཚིག་དེ་བེད་སྤྱོད་གཏོང་རྒྱུ་མིན་ལུགས་བསྒྲགས་འདུག
ཁ་སང་ཕྱི་ཚེས་ ༡༣ ཉིན་རྒྱ་ནག་གཞུང་འབྲེལ་དྲ་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་རྒྱལ་ཁབ་འཕྲོད་བསྟེན་ལྷན་ཁང་གིས་བརྡ་ཁྱབ་ཅིག་བཏང་སྟེ། པེ་
ཅིན་དུ་ཡོད་པའི་༼ཉི་རྒྱ་མཛའ་འབྲེལ་སྨན་ཁང་༽ཞེས་པ་དེར།རྗེས་ཕྱོགས་ནས་དམིགས་བསལ་གྱི་ཡིག་ཆ་ཁག་གི་ཐོག་མ་གཏོགས་༼ཉི་རྒྱ་སྨན་ཁང༽ཞེས་མིང་སྟབས་བདེ་རུ་གཏོང་རྒྱུ་ཡིན་ལ། དེ་ནི་ལས་ཀའི་དགོས་མཁོ་ཞིག་ཡིན་པ་ལས་དངོས་མིང་ལ་འགྱུར་བ་བཏང་བ་ཞིག་མིན་སྐོར་དང༌།འབྲེལ་ཡོད་ལྷན་ཁང་གི་ཐག་གཅོད་ཅིག་ཡིན་པ་མ་གཏོགས།རྒྱལ་ཁབ་གཉིས་བར་གྱི་འབྲེལ་བར་འབྲེལ་བ་གང་ཡང་མེད་སྐོར་བརྗོད་འདུག
ཉི་རྒྱ་མཛའ་འབྲེལ་སྨན་ཁང་ནི་རྒྱ་ནག་གཞུང་དང་ཉི་ཧོང་གཞུང་གཉིས་མཉམ་འབྲེལ་གྱིས་བཙུགས་ཤིང༌། ད་ལྟའི་ཆར་རྒྱ་ནག་རྒྱལ་ཁབ་འཕྲོད་བསྟེན་ལྷན་ཁང་གི་ལྟ་རྟོག་འོག་ཡོད་ལ། ཕྱི་ལོ་ ༡༩༨༤ ཟླ་ ༡༠ ཚེས་ ༢༣ ཉིན་དངོས་སུ་སྨན་བཅོས་ཞབས་ཞུ་མགོ་འཛུགས་བྱས་ཏེ། རྒྱ་ནག་གི་མཐོ་རིམ་དཔོན་རིགས་ཚོའི་སྨན་བཅོས་ལྟེ་གནས་ཤིག་ཆགས་ཡོད་པ་མ་ཟད། ཕྱི་ལོ་ ༢༠༠༨ ལོའི་པེ་ཅིན་ཨོ་རྩལ་འགྲན་ཚོགས་སྐབས་ཀྱི་རྩེད་རིགས་སྦྱོང་བརྡར་དགེ་རྒན་དང་དཔྱད་འདེམས་པ། རྩེད་མོ་བ་བཅས་ལ་སྨན་བཅོས་ཀྱི་འགན་འཁུར་ཡོད་འདུག
ཉི་ཧོང་དང་རྒྱ་ནག་བར་གྱི་འབྲེལ་བ་ཇེ་སྡུག་ཏུ་འགྲོ་བཞིན་པའི་དུས་སྐབས་འདིར། རྒྱ་གཞུང་གིས་སྨན་ཁང་དེའི་མིང་ལ་འགྱུར་བ་བཏང་བར་གླེང་བརྗོད་སྣ་ཚོགས་ཡོང་བཞིན་ཡོད་པ་དང༌། དྲ་ལམ་དུ་རྒྱལ་ཁབ་འཕྲོད་བསྟེན་ལྷན་ཁང་ལ་ཉི་རྒྱ་མཛའ་འབྲེལ་སྨན་ཁང་གི་མིང་ཆ་ཚང་བེད་སྤྱོད་གཏོང་བར་སྟངས་འཛིན་བྱེད་པའི་དབང་ཆ་མེད། གང་ཡིན་ཟེར་ན། ཁྲིམས་མཐུན་དེབ་སྐྱེལ་བྱས་པའི་ལས་སྒྲུབ་ཁང་ཞིག་གི་མིང་ལ་ཁྲིམས་ཀྱིས་སྲུང་སྐྱོབ་ཡོད་པ་རེད། གལ་སྲིད་འཕྲོད་བསྟེན་ལྷན་ཁང་གིས་མིང་དེ་འོས་འཚམ་མིན་པར་འདོད་ཚེ། སྨན་ཁང་དེར་ཐོ་མིང་བསྒྱུར་དགོས་པའི་རེ་བ་བཏོན་ཆོག་པ་ལས། གང་འདོད་ཀྱིས་ཐོ་མིང་བརྒྱ་གཞུང་གིས་ཉི་རྒྱ་མཛའ་འབྲེལ་སྨན་ཁང་གི་མཛའ་འབྲེལ་ཞེས་པའི་ཚིག་དེ་བེད་སྤྱོད་གཏོང་རྒྱུ་མིན་ལུགས་བསྒྲགས་འདུག
གསར་འགོད་པ། པདྨ་མཚོ། དུས་བབ་དྲ་བ་ནས།།
