ཀླུ་ཆུ་རྫོང་དུ་ཡང་བསྐྱར་མེར་བསྲེཊ།

ཁ་སང་གཟའ་ཟླ་བའི་ཉིན་བོད་མདོ་སྨད་ཀན་ལྷོ་ཀླུ་ཆུ་རྫོང་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

 འདི་གར་གནས་ཚུལ་འབྱོར་གསལ་ལྟར་ན། ཁ་སང་ཕྱི་ ཚེས་ ༢༦ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༦།༠༠ ཡས་མས་སུ་བོད་མདོ་སྨད་ཀན་ལྷོ་ཀླུ་ཆུའི་ཨ་ལ་སྦོག་ཚ་སྡེ་བའི་རང་ལོ་ ༢༤ ཡིན་པའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས།

ཀླུ་ཆུ་རྫོང་ཨ་ལ་དེའུ་མགོ་དགོན་པའི་ཚོཊ་ཆེན་འདུ་ཁང་གི་མདུན་དུ་རང་ལུས་མེར་བསྲེཊ་ཀྱིས་ “ བོད་ལ་རང་དབང་དགོས། འགྲོ་བ་མིའི་ཐོབ་ཐང་དགོས། རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས” ཞེས་སྐད་འབོད་བྱེད་ཞོར་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག

རང་ལུས་མེར་བསྲེཊ་ཀྱི་གནས་ཚུལ་བྱུང་མ་ཐག་ས་གནས་བོད་མི་ཚོས་རྒྱལ་གཅེས་པ་ཁོང་གི་སྐུ་ཕུང་དགོན་པར་གདན་འདྲེན་བྱས་ཡོད་འདུག་ལ། སྐབས་དེར་ཨ་ལ་དང་སྒྱིས་ཚང་། ཟམ་ཚ་བཅས་ཀྱི་བོད་མི་མང་པོ་འདུ་འཛོམས་ཀྱིས་བསྔོ་སྨོན་མཆོད་འབུལ་གནང་ཡོད་པ་དང་། ས་གནས་སུ་ཉེན་རྟོག་པ་དང་དམག་མི་མང་པོ་འབྱོར་ཏེ་གནས་ཚུལ་བརྩད་གཅོད་བྱེད་བཞིན་ཡོད་འདུག

རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས་ཕའི་མིང་ལ་དབང་རྒྱལ་ལོ་ ༤༥ དང་། མའི་མིང་ལ་རྣམ་ལོ་ལོ་ལོ་  ༤༣ ཡིན་འདུག

ཁོང་གི་བཟའ་ཟླའི་མིང་ལ་རྣམ་རྒྱལ་སྒྲོལ་མ་འབོད་ཀྱི་ཡོད་ཅིང་། ད་ལྟ་ལོ་ ༢༦ ཡིན་འདུག ཁོང་བཟའ་མི་གཉིས་ལ་རང་ལོ་ ༦ ཡིན་པའི་བུ་ཚེ་རིང་བསམ་འགྲུབ་དང་། རང་ལོ་ ༣ ཡིན་པའི་བུ་མོ་ཚེ་རིང་སྒྲོལ་མ།  རང་ལོ ༢ ཡིན་པའི་བུ་མོ་ཚེ་རིང་ལྷ་མོ་བཅས་བྱིས་པ་གསུམ་ཡོད་འདུག

 

གསར་འགོད་པ། དོན་གོ

དུས་བབ་དྲྭ་བ་ནས།