དེ་ རིང་ རྒྱ་ གར་ ལྷོ་ ཕྱོགས་ སྦེལ་ ཀོབ་ བོད་ མིའི་ གཞིས་ སྒར་ དུ་ བོད་ ཀྱི་ རོལ་ དབྱངས་ མཐུན་ ཚོགས་ ཀྱིས་ རྒྱལ་ གཅེས་ དཔའ་ བོའི་ རྡོ་ རིང་ ཞལ་ འབྱེད་ ཀྱི་ མཛད་ སྒོ་ ཞིག་ ཚོགས་ པའི་ སྟེང་ སྤྱི་ འཐུས་ ཚོགས་ གཙོ་ མཆོག་ གིས། འབྱུང་ འགྱུར་ ལོ་ སུམ་ ཅུ་ བཞི་ བཅུའི་ ནང་ བོད་ ལ་ ལོག་ རྒྱུ་ མ་ བྱུང་ ན་ རང་ བཙན་ ཕར་ ཞོག་ རང་ སྐྱོང་ རག་ ཀྱང་ ཕན་ ཐོགས་ ག་ འདྲ་ ཡོད་ ན་ བསམ་ པ་ འདུག་ ཅེས་ གསུངས།
དེ་ རིང་ ཕྱི་ ཚེས་ ༡༥ ཉིན་ གྱི་ སྔ་ དྲོའི་ ཆུ་ ཚོད་ ༩ པའི་ སྟེང་ རྒྱ་ གར་ ལྷོ་ ཕྱོགས་ སྦེལ་ ཀོབ་ གཞིས་ གྲོང་ དང་ པོར་ བོད་ ཀྱི་ རོལ་ དབྱངས་ མཐུན་ ཚོགས་ ཀྱིས་ བཞེངས་ པའི་ རྒྱལ་ གཅེས་ དཔའ་ བོའི་
གཞས་ པ་ དར་ རྒྱས་ ལགས་ ཀྱིས་ འདི་ གར་ གནས་ ཚུལ་ བཏང་ འབྱོར་ བྱུང་ བའི་ ནང་ ། མཛད་ སྒོའི་ ཐོག་ མར་ སྐུ་ མགྲོན་ གཙོ་ བོ་ མཆོག་ གིས་ མཆོད་ མེ་ ཞལ་ འབྱེད་ དང་ ། བོད་ རྒྱལ་ ཁབ་ ཆེན་ པོའི་ རྒྱལ་ གླུ་ ཕུལ་ རྗེས། སྐུ་ མགྲོན་ གཙོ་ བོ་ དང་ དམིགས་ བསལ་ སྐུ་ མགྲོན་ རྣམ་ གཉིས་ ནས་ རྒྱལ་ གཅེས་ དཔའ་ བོའི་ རྡོ་ རིང་ གི་ རས་ ཡོལ་ ཞལ་ ཁ་ ཕྱེས་ ནས་ དབུ་ འབྱེད་ གནང་ ཡོད་ པ་ དང་ ། སྐུ་ མགྲོནརྣམས་ ཀྱིས་ རིམ་ པས་ གུས་ འདུད་ ཀྱི་ ཁ་ གཏགས་ ཕུལ་ ཡོད།
དེའི་ རྗེས་ བོད་ ཀྱི་ རོལ་ དབྱངས་ མཐུན་ ཚོགས་ ཀྱི་ ཚོགས་ གཙོ་ འདན་ མ་ མཁྱེན་ བརྩེ་ ལགས་ ཀྱིས་ ཚོགས་ པའི་ ངོ་ སྤྲོད་ གསུང་ བཤད་ གནང་ དོན། ཚོགས་ པའི་ དམིགས་ ཡུལ་ གཙོ་ བོ་ ནི། བོད་ ཀྱི་ གནས་ སྟངས་ ཛ་ དྲག་ གི་ སྐབས་ སུ་ བོད་ ཀྱི་ གཞས་ པ་ རྣམས་ ཀྱིས་ འགན་ ཁུར་ ནས་ བོད་ ཀྱི་ གནས་ སྟངས་ ངོ་ སྤྲོད་ དང་ ། གླུ་ གཞས་ ལ་ བརྟེན་ ནས་ བོད་ ཀྱི་ སྐད་ ཡིག་ གོང་ འཕེལ། དེ་ བཞིན་ བོད་ ཀྱི་ གཞས་ པ་ ནང་ ཁུལ་ མཐུན་ སྒྲིལ་ རྡོག་ རྩ་ ཆིག་ སྒྲིལ་ ཡོངས་ ཐབས། ༸གོང་ ས་ མཆོག་ གི་ བཀའ་ དགོངས་ རྣམས་ གླུ་ གཞས་ ལ་ བརྟེན་ ནས་ མི་ མང་ ངོ་ སྤྲོད་ ཡོངས་ ཐབས་ སོགས་ ལ་ དམིགས་ པ་ ཡིན། རྡོ་ རིང་ བཞེངས་ དོན་ ནི། སྐུ་ ལུས་ མེར་ བསྲེགས་ བཏང་ བའི་ རྒྱལ་ གཅེས་ དཔའ་ བོ་ དཔའ་ མོ་ རྣམས་ ལ་ མྱ་ ངན་ རྗེས་ དྲན་ ཞུ་ བའི་ ཆེད་ དང་ ། དམིགས་ བསལ་ བོད་ ཀྱི་ གཞས་ པ་ རྣམས་ ཀྱིས་ འགན་ ཁུར་ ནས་ ལས་ ཀ་ བྱ་ རྒྱུ་ གལ་ ཆེན་ དུ་ དམིགས་ ནས་ བཞེངས་ པ་ ཞིག་ ཡིན་ ཞེས་ སོགས་ བརྗོད་ སོང་ །
དེའི་ རྗེས་ སློབ་ སྟོན་ པ་ ཟླ་ བ་ རིན་ ཆེན་ ལགས་ ཀྱིས་ གསུང་ བཤད་ གནང་ དོན། རྒྱལ་ གཅེས་ དཔའ་ བོ་ དཔའ་ མོ་ ཚང་ མས་ རང་ དབང་ གི་ འཐབ་ རྩོད་ དང་ ། བོད་ ཀྱི་ ཆོས་ དང་ རིག་ གཞུང་ སྲུང་ སྐྱོབ། སྐད་ ཡིག་ སྲུང་ སྐྱོབ་ སོགས་ ཀྱི་ ཆེད་ དུ་ ཚེ་ སྲོག་ བློས་ བཏང་ དང་ གཏོང་ བཞིན་ པ་ རེད། བློས་ བཏང་ དེ་ ཚོ་ ང་ ཚོས་ རྩ་ བ་ ནས་ བརྗེད་ རྒྱུ་ མེད་ པར་ བཀའ་ དྲིན་ རྗེས་ དྲན་ དང་ གླུ་ གཞས་ ཀྱི་ ལམ་ ནས་ མ་ འོངས་ པའི་ མི་ རབས་ ལ་ སེམས་ ཤུགས་ སྤར་ ཐབས་ དང་ མིག་ དཔེ་ སྟོན་ རྒྱུ་ གལ་ ཆེན་ པོ་ རེད། བོད་ ནང་ ལ་ རང་ དབང་ མེད་ རྐྱེན་ རང་ དབང་ གི་ གླུ་ གཞས་ ལེན་ རྒྱུ་ དཀའ་ ལས་ ཁག་ པོ་ རེད། དེར་ བརྟེན་ རོལ་ དབྱངས་ མཐུན་ ཚོགས་ ཀྱིས་ བོད་ ནང་ གི་ གཞས་ པ་ རྣམས་ ཀྱི་ མགྲིན་ ཚབ་ བྱས་ པ་ དེ་ ཧ་ ཅང་ ཡག་ པོ་ རེད། ལས་ འགུལ་ གསར་ པ་ རྩོམ་ མཁན་ ལ་ རྒྱབ་ སྐྱོར་ བྱེད་ རྒྱུ་ གལ་ ཆེན་ པོ་ རེད། དེ་ བཞིན་ མི་ རེ་ ངོ་ རེ་ ནས་ འགན་ ཁུར་ ལེན་ རྒྱུ་ དེ་ བས་ གལ་ ཆེན་ པོ་ རེད། རྡོ་ རིང་ བཞེང་ རྒྱུའི་ ལས་ འགུལ་ འདིའི་ འགན་ ཁུར་ མཁན་ རྣམས་ ལ་ ཐུགས་ རྗེ་ ཆེ་ ཞུ་ རྒྱུ་ ཡིན་ ཞེས་ སོགས་ གསུངས་ སོང་ །
དེ་ ནས་ བཀའ་ ཤག་ གི་ སྐུ་ ཚབ་ ལུགས་ བསམ་ གཞིས་ མགོ་ མཆོག་ གིས་ རྡོ་ རིང་ མཛད་ སྒོ་ ལ་ ཆེད་ དུ་ གནང་ བའི་ བཀའ་ ཤག་ གི་ གསུང་ འཕྲིན་ ལྗགས་ ཀློག་ གནང་ དོན། བོད་ ཀྱི་ རོལ་ དབྱངས་ མཐུན་ ཚོགས་ ནས་ མ་ བསྐུལ་ དང་ བླངས་ ཀྱིས་ འཁྲབ་ སྟོན་ སྐོར་ སྐྱོད་ ཀྱི་ ལམ་ ནས་ ཞལ་ འདེབས་ བསྡུ་ སློང་ བྱས་ ཏེ། རྒྱལ་ གཅེས་ དཔའ་ བོའི་ རྡོ་ རིང་ བཞེངས་ རྒྱུའི་ ལས་ གཞི་ ལེགས་ པར་ གྲུབ་ པ་ དང་ ། ཕྱི་ ལོ་ ༢༠༡༥ ཟླ་ ༢ ཚེས་ ༡༥ ཉིན་ དངོས་ སུ་ སྒོ་ འབྱེད་ བྱ་ གཏན་ ཁེལ་ བར་ བཀའ་ ཤག་ ནས་ ལེགས་ སོའི་ བསྔགས་ བརྗོད་ དང་ འཚམས་ འདྲི་ ཞུ་ རྒྱུ་ ཡིན། རྒྱལ་ གཅེས་ དཔའ་ བོའི་ རྡོ་ རིང་ བཞེངས་ པའི་ དགོས་ དོན་ སྙིང་ པོ། ད་ བར་ བོད་ བསྟན་ སྲིད་ མི་ རིགས་ ཀྱི་ དོན་ དུ་ ལུས་ སྲོག་ ལོངས་ སྤྱོད་ བློས་ བཏང་ གནང་ དང་ གནང་ བཞིན་ པའི་ རྒྱལ་ གཅེས་ དཔའ་ བོ་ དཔའ་ མོ་ རྣམས་ ཀྱི་ མཛད་ རྗེས་ རྣམས་ རང་ ཅག་ སེར་ སྐྱ་ རྒན་ གཞོན་ ཡོངས་ ནས་ སྙིང་ དབུས་ སུ་ བཅངས་ ཏེ། ཇི་ སྲིད་ བོད་ དོན་ བདེན་ མཐའ་ མ་ གསལ་ བར་ དེ་ སྲིད་ དུ་ མུ་ མཐུད་ ལྷག་ བསམ་ ཆེར་ བསྐྱེད་ ཀྱིས་ འབད་ རྩོལ་ ལྷོད་ མེད་ བྱ་ དགོས་ པའི་ གོ་ རྟོགས་ གཏིང་ ཟབ་ སྤེལ་ ཐུབ་ པའི་ རེ་ བ་ ཡོད་ ཅེས་ སྒྲོག་ སྦྱངས་ གནང་ སོང་ །
དེ་ ནས་ སྐུ་ མགྲོན་ གཙོ་ བོ་ སྤྱི་ འཐུས་ ཚོགས་ གཙོ་ སྤེན་ པ་ ཚེ་ རིང་ མཆོག་ གིས་ གསུང་ བཤད་ གནང་ དོན། སྤྱིར་ སྤྱི་ འཐུས་ ལྷན་ ཚོགས་ ཀྱི་ ངོས་ ནས་ དྷ་ རམ་ ས་ ལར་ རྡོ་ རིང་ གཅིག་ བཞེངས་ ཡོད་ པ་ རེད། དེ་ རིང་ འདིར་ རོལ་ དབྱངས་ མཐུན་ ཚོགས་ ཀྱིས་ སྦེལ་ ཀོབ་ གཞིས་ ཆགས་ ལ་ གཅིག་ བཞེངས་ པ་ རེད། དེ་ བཞིན་ མ་ འོངས་ པར་ གཞིས་ ཆགས་ ཚང་ མར་ རྡོ་ རིང་ རེ་ བཞེངས་ ཐུབ་ ན་ ཡག་ པོ་ ཡོད་ རེད། ཚང་ མར་ བཀའ་ དྲིན་ རྗེས་ དྲན་ ཆགས་ ཀྱི་ ཡོད་ རེད།
བོད་ ནང་ བྱུང་ བའི་ རང་ ལུས་ མེར་ བསྲེགས་ ཀྱི་ གནས་ ཚུལ་ དེ་ འདྲ་ བོ་ འཛམ་ བུ་ གླིང་ གི་ ལོ་ རྒྱུས་ ཀྱི་ ནང་ ལ་ ཕལ་ ཆེར་ བྱུང་ ཡོད་ མ་ རེད། ལྷག་ པར་ དུ་ འཚེ་ མེད་ ཞི་ བའི་ འཐབ་ རྩོད་ དེ་ ཧ་ ལས་ པ་ དང་ ཧང་ སང་ དགོས་ པ་ ཞིག་ ཆགས་ ཡོད་ རེད། རྒྱ་ ནག་ གིས་ བོད་ ནང་ གི་ རང་ ལུས་ མེར་ བསྲེགས་ ཀྱི་ གནས་ ཚུལ་ དེ་ ༸གོང་ ས་ མཆོག་ དང་ ། བཙན་ བྱོལ་ བོད་ མིའི་ སྒྲིག་ འཛུགས་ ཀྱིས་ བརྒྱུད་ སྐུལ་ བྱེད་ ཀྱི་ ཡོད་ རེད་ ཅེས་ ཤོད་ ཀྱི་ ཡོད་ པ་ རེད། ཡིན་ ནའང་ ང་ ཚོས་ བརྒྱུད་ སྐུལ་ བྱ་ རྒྱུ་ ཕར་ ཞོག བོད་ ནང་ གི་ བོད་ མི་ ཚོའི་ ལྷག་ བསམ་ དང་ སྙིང་ སྟོབས་ བཤད་ མི་ དགོས་ པ་ དང་ ། ཐབས་ བྱུས་ ཀྱང་ བསམ་ ཡུལ་ ལས་ འདས་ པ་ དེ་ འདྲ་ འདོན་ གྱི་ ཡོད་ རེད། དེ་ འདྲ་ ཡིན་ དུས་ ཁོ་ རང་ ཚོའི་ མཛད་ རྗེས་ དེ་ ཚོ་ དེ་ རིང་ གི་ རྡོ་ རིང་ འདི་ བཞེངས་ པའི་ ཐོག་ ནས་ དྲན་ གསོ་ བྱེད་ ཀྱི་ ཡོད་ པ་ རེད།
ད་ ལྟ་ རྒྱ་ ནག་ གི་ མི་ རིགས་ མཉམ་ བསྲེ་ སྲིད་ ཇུས་ དེ་ སྔོན་ མ་ ཨུ་ རུ་ སུའི་ སྲིད་ ཇུས་ རེད། ད་ ལྟ་ རྒྱ་ ནག་ གིས་ བེད་ སྤྱོད་ གཏོང་ གི་ ཡོད་ རེད། དེ་ བཞིན་ མེ་ འཁོར་ ལྕགས་ ལམ་ སོགས་ འཛུགས་ སྐྲུན་ ཧ་ ཅང་ མང་ པོ་ བྱེད་ ཀྱི་ ཡོད་ རེད། དེ་ ཚོའི་ རྒྱ་ མི་ རིགས་ གནས་ སྤོའི་ ཆེད་ དུ་ མ་ གཏོགས་ བོད་ ཀྱི་ ཆེད་ དུ་ མ་ རེད། བོད་ ཁུལ་ ཡོངས་ ཀྱི་ གྲོང་ ཁྱེར་ དང་ གྲོང་ བརྡལ་ དེ་ ཚོའི་ ནང་ ལ་ དངུལ་ བཟོ་ སའི་ ས་ ཆ་ དེ་ ཚོ་ ལ་ རྒྱ་ མི་ རིགས་ མང་ བ་ ཆགས་ ཡོད་ པ་ རེད། སྐབས་ རེ་ ང་ ཚོའི་ བཙན་ བྱོལ་ སྤྱི་ ཚོགས་ ནང་ ལ་ རང་ བཙན་ དང་ དབུ་ མ་ ཟེར་ ནས་ བཤད་ ཀྱི་ ཡོད་ རེད། དེ་ ཚོ་ རྒྱུ་ མཚན་ ཞིག་ ཡོད་ ཀྱི་ རེད་ དེ། བསམ་ བློ་ ཡག་ པོ་ བཏང་ ན་ འབྱུང་ འགྱུར་ ལོ་ སུམ་ ཅུ་ བཞི་ བཅུའི་ ནང་ བོད་ ལ་ ལོག་ རྒྱུ་ མ་ རག་ པ་ ཡིན་ ན། རང་ བཙན་ ཕར་ ཞོག་ རང་ སྐྱོང་ རག་ པ་ ཡིན་ ནའང་ ཕན་ ཐོགས་ ག་ འདྲ་ ཡོང་ གི་ ཡོད་ ན་ བསམ་ པའི་ གནས་ སྟངས་ ཆགས་ ཡོད་ པ་ རེད། ཅེས་ གསུངས་ སོང་ པ་ དང་ མཉམ་ དུ་ རྡོ་ རིང་ བཞེངས་ མཁན་ དང་ འབྲེལ་ ཡོད་ ཡོངས་ ལ་ ཐུགས་ རྗེ་ ཆེ་ ཞུས་ སོང་ །
མཇུག་ མཐར། བོད་ ཀྱི་ རོལ་ དབྱངས་ མཐུན་ ཚོགས་ ཀྱི་ གཞས་ པ་ རྣམས་ ཀྱིས་ དཔའ་ བོ་ རྗེས་ དྲན་ ཞེས་ པའི་ མཉམ་ གཞས་ ཕུལ་ རྗེས། རྒྱུན་ ལས་ ངག་ དབང་ གིས་ ཐུགས་ རྗེ་ ཞུའི་ གསུང་ བཤད་ གནང་ ནས་ མཛད་ སྒོ་ མཇུག་ བསྒྲིལ་ ཡོད་ པ་ རེད།
དུས་བབ་དྲ་བ་ནས།།